لو عندك اى مشكلة اتفضل هنا قبل ما تكتب موضوع

فى البداية أحب أرحب بكم فى قسم الكمبيوتر و الانترنت بأقسامه الفرعية


الموضوع دة انا عملته لهدفين
الهدف الاول : انى اساعد كل فتكات فى طريقة الوصول لحل اى مشكلة تقابلها فى اسرع وقت

والهدف الثانى : اننا نتعاون فى تنظيم القسم بحيث نستفيد من مشاكل العضوات فى حل المشاكل اللى بتقابلنا




ودلوقتى ندخل فى الموضوع

اولا : وقبل كل شئ
أرجوك تقرأى قوانين القسم وتلتزمى بها
قوانين جديدة لقسم الاستشارات والدعم الفنى

ثانيا : اى مشكلة تقابلك دورى علي حلها هنا فى الموضوع دة انا عملته مخصوص علشان يسهل عليكم البحث
تجميع للموضوعات الهامة فى الكمبيوترو الانترنت + أحلى الموضوعات

ثالثا : لو مش لاقية حل مشكلتك فى الموضوع اللى فات
هتبحثى عنها باستخدام خاصية البحث فى فتكات
انا شخصيا بستخدمها دايماً وبـ أقدر اوصل للموضوع اللى انا عايزاه عن طريقها
البحث يا قمر هتلاقيه تحت المواضيع الجديدة
اكتبى الكلمة اللى هاتبحثى عنها واضغطى زر بحث هيجيلك كل المواضيع اللى فيها الكلمة دى