السلام عليكم ورحمه الله وبركاته
ازيكم يافتوكات
كتير مننا عنده مكياج قديم ومكسر
ماتيجى نجديده بدل مانرميه
والافكار اللى هقولك عليها دى
عندى انا وبس يعنى تقيمى ياقمر منك ليها عشان مانخسرش بعض ياله نبتداى
اولا (المسكارا)
لو نوع مسكارتك نشف من قله الاستعمال مثلا
بس مايكونش فات عليها 6 شهور المهم نسخن
مياه ونحطها فى المياه السخنه لماده3 دقايق ونفتحها
هتلاقيها زى الجيده بالظبط
ثانيا (اقلام العين زى الكحل )
اما تلاقى الاقلام بقيت ناشفه ومش عارفه تحطى منها
وبتوجع عنيكى او بتجرحها
حطى راس القلم فى زيت زى زيت الزيتون مثلا او زيت
اللوز طوال الليل وهتصبحى تلاقى الخشب امتطس الزيت وطرى
الماده اللى جواه
ثالثا (المنكير الناشف)
مياه سخنه وتحطى الزجاجه فيها لمده خمس دقيق هترجع زى ماكانت
رابعا(علب البودره)
لو عندك بودره متكسره بدل ماترميها اجمعيها واطحنيها
لغايه ماتبقا ناعمه اوى بعد كده حطيها فى زجاجه صغيره
او علبه وتستخدميها بالفرشه بتاعت البلاشر او بقطنه
خامسا (اقلام الروج المكسوره )
هتى النصف اللى اتكسر وولعى عود كبريت عليها لغايه مايسخن اوى
وبعدين تحطى على نصفه التانى بسرعه وتقفلى القلم
وتحطى فى الثلاجه لمده ربع ساعه
وبعدين هتطلعى تلاقيه زى ماكان بالظبط
سادسا (نهايه قلم الروج بعض مايخلص)
بعد مايخلص قلم الروج بيتبقا حته صغنونه كده
حطى فيها فرشه الملمع بتاع الشفايف طبعا كلنا عارفينه
ده شكلها
وطلعى المتبقى وحطيه على الملمع الشفاف
تدخليه يعنى جوه زجاجه الملمع وتستفدى بيه فى تلوين الملمع بتاعك
كده انا خلصت وبجد تعبت اوى فى الموضوع ده مين هتدعيلى
وتقيملى علشان خاطر مجهودى ليكى يافتوكه
ياحلوه انتى
